Müəllifə aid 39 aforizm var:

Əgər aclıq dərdi olmasaydı, nə ovçu tələ qurardı, nə də quş tələyə düşərdi.

Sözü götürüb gətirən, söyləyəndən daha pisdir

Bir çiçəyə artıq su verərsən çürüyər, insana gərəyindən artıq dəyər verərsən qudurar.

Yaxşı da, yaman da, keçər dünyada,
Çalış yaxşılıqla düşəsən yada.

Çörəyim artdıqca əksildim haman
Yoxsulluq yaxşıdır sail olmaqdan.

O qədər çox yemə ağırlıq etsin,
O qədər ac qalma, can əldən getsin.

Tamahkara dünyanı da versən, doymaz.

Darıxma iş görünsə bir qaranlıq quyuda
Çünki qaranlıqdadır o dirilik suyu da.

Ağıllı adamın axmaq qarşısında susması təəccüblü deyil, çünki nağara səsi tar səsinə, sarımsaq iyi ənbər qoxusuna həmişə üstün gəlir.

Axmaq adam sussa yaxşıdır.
Amma o, bunu bilsəydi, axmaq olmazdı.

Nadanın ağıllıya nifrəti daha çoxdur, nəinki ağıllının nadana.

Əsərləri olmayan alim meyvə gətirməyən ağaca bənzəyir.

Ruzi yalnız elmlə əldə edilsəydi, cahildən pis yaşayan olmazdı.

Bildiklərinə əməl etməyən adam əlində çıraq gəzdirən kora bənzər.

Yersiz danışmaq axmaqlıq olduğu kimi, yeri gələndə danışmamaq da axmaqlıqdır.

Şamını gündüz yandıran gecə qaranlıqda qalar.

Bir yerə girməzdən əvvəl oradan necə çıxacağını düşün.

Kim səndən qorxursa, qıl ondan həzər
Olsan da yüz elə şəxsə bərabər.

Kim müsibət günü istər ona bir yar olsun
De ki, xoş gündə özü xalqa havadar olsun.

Tədbirləri baş tutmayanda düşmən dostluq fikrinə düşər və dostluqla elə işlər görər ki, onu heç bir düşmən bacarmaz.

Düzlüyü çox sevər taleyi yazan,
Görmədim düz yolda yolunu azan.

Çiçək gah açıqdır, gah da pünhandır,
Ağac gah geyimli, gah da üryandır.

Bir yatmış başqa yatmışı necə oyada bilər?!

Yaxşı ol, qoy “pisdir” desinlər sənə,
Nə ki, pis olasan, “yaxşı” desinlər.

Bülbüldən çox da vəfa ummayın, çünki hər dəm başqa bir gülün üzərində ötər.