Kateqoriyada 123 aforizm var:

Ağlın və elmin üç böyük düşməni vardır: Pislik, cəhalət və tənbəllik.

İki növ insan həmişə acdır. Biri elmi axtaran, digəri də pulu...

Elmlə, ədəblə tapılar şərəf, Mirvari olmasa, nə lazım sədəf.

Bir müddət öyrənməyin ağrısını çəkməyən, ömrü boyu cahillik zillətini daşıyar.

Elm - sadəcə əzbər edilən bir şey deyil, əzbər edilən şeydən təmin edilən faydadır.

Mən öyrənməyi çox sevirəm, ancaq başqasının mənə nəsə öyrətməyinə dözə bilmirəm.

Sual verməyə əsla son qoymayın. Hər şeyi bilmək həvəsi insana elə-belə verilməyib.

Bütöv elm kontekstinə salınmamış ayrıca bir ideya, nə qədər dərin olsa belə, hələ elmi bilik sayıla bilməz.

Xəyal qanadlarında uçan elm möcüzələr yaratmağa qadirdir.

Riyaziyyat insan ruhunun divanəliyidir.

Elm neçə əsrlər ərzində hamılıqla tikilən möhtəşəm bir məbəddir ki, onun hər bir daşını qoymaq bir çox alimlərə bütün ömrü müqabilində müyəssər olmuşdur.

Bir vaxt gələcəkdir ki, elm xəyalı qabaqlayacaq.

Elm bizim hissi təcrübəmizin xaotik müxtəlifliyinin hansı isə vahid təfəkkür sisteminə uyğunlaşdırılmasıdır.

Elm bir müharibə meydanını xatırladır. Yaradıcı alimlər ön cəbhədə olur və əsl döyüş də burada gedir. Arxa cəbhədə olanların vəzifəsi öndəkiləri silah-sursat və azuqə ilə təmin etmək, tutulmuş ərazilərdə səliqə-sahman yaratmaqdır.

Nəzəriyyə elmin ruhu, təcrübə – bədənidir. Nəzəriyyəsiz fikir dənizində və faktın meşəsində asanlıqla azmaq olar.

Elmin mənəvi siması onun kimin əlində olmasından asılıdır.

Müasir insan elmin qanadlarında elə uzaqlara uçmuşdur ki, özündən ayrı düşmüşdür.

Elmsiz praktikaya aludə olan adam gəmini sükansız və kompassız idarə etmək istəyən kapitana bənzər; o, hara üzdüyünü özü də bilməz.

İnsanlar təhsil üçün yox, təhsil insanlar üçündür və o, insanların konkret ehtiyaclarına uyğunlaşdırılmalıdır.

Alim bank xəzinədarına oxşayır: onun əlində böyük xəzinələrin açarı var, amma bu xəzinələr onun deyil.

Əsərləri olmayan alim meyvə gətirməyən ağaca bənzəyir.

Elmi biliklər üst-üstə yığılarkən bəzən ən qiymətliləri altda qalır, onları tapıb yenidən üzə çıxarmaq üçün hərdən bütün sistemi dağıdıb yenidən qurmaq lazım gəlir.

Fakt təsvir məqamında olan hadisədir.

Bütün elmlərin bünövrəsi təhsillə qoyulur.

Dünyanın hər yerində həqiqi hökmdar olan elm vaxtaşırı öz paytaxtını dəyişmiş, gah Şərqdən Qərbə, gah da Qərbdən Şərqə köçmüşdür.