Kateqoriyada 295 aforizm var:

Alver dostluq götürməz, içi bütün hər bir söz ötürməz.

Alış veriş dostluğa körpüdür.

Aclıqdan ölmək üzrə olan bir iti qurtarın, sizi dişləməyəcək. İnsan ilə it arasındakı başlıca fərq budur.

Ayıbsız dost axtaran dostsuz qalar.

Zəiflərin kini, dostluqları qədər təhlükəli deyil.

Dostun yumruğu ağrıdır.

Dostunun alınındakı ağcaqanadı baltayla qovma!

Əsl yoldaşlıq iki bədəndə yaşayan bir ruhdur

Dostluq sevgidən daha çətindir. Çünki daha uzun davam edər.

Dost olan dostundan geridə qalmaz!

Birlikdən yaranıb zəfər döyüşdə,
Dostların birliyi gərək hər işdə.

Şirin danışan bir dosta rast gəlsən,
Ondan başqa bir şey tələb etmə sən.

Döyüşdə, şənlikdə, harada olsan,
Heç zaman ayrılma yaxşı dostlardan.
Şadlıq və əyləncə bəzminə düşsən,
Nəşəli yoldaşlar tap özünə sən.

Dünyada xoşbəxtdir yalnız o kəslər
Ki, öz çörəyini dostlarla yeyər.

Xoş olmaq istəsən, xoş dostlar tanı,
Xoşbəxt xoşbəxt edər çünki insanı.

Əqilli adamla dostluq bağlasan,
Bilik və mərifət alarsan ondan.

Bədgövhər adamla aranə qatma,
Sən öz kimyanı güllərə atma.

Dostluq, mehribanlıq göstərsən ey yar,
Gəlib qulun olar azad adamlar.

Bir olsa yoldaşın, dostun əməli,
Daşdan su çıxardar onların əli.
Nifaq olan yerdə fəlakət də var,
Səadət günəşi birlikdən doğar.

Düşməni qanına qərq etmək olar,
Dostla vuruşmağın mənasımı var.

Çox gözəl olsa da eybi gizləmək,
Dost dostun eybini örtməsin gərək.

Qarışqa birlikdə göstərib hünər,
Özündən çox böyük şeylər sürüyər.
Dostluqda hər kəslə səsləşə bilsən,
Onun pərdəsində nəğməni çal sən.

Yaxşılar cilovu verməzlər pisə,
Satmazlar dostları yada, nakəsə.

Özünü dost tutan lağlağılar var,
Onlar kənizlərdə qürur doğurar.
O dost ki, hər işi yalnız tuzaqdır,
Bəzəkli-büzəkli bir mancanaqdır.

Hamının yoldaşı, gizli yarı var,
Dostu var, bir yaxın havadarı var.