Kateqoriyada 160 aforizm var:

Pis fikirlərin olmasa, pis əməllərin də olmaz.

Yanıb işıq saça bilmirsənsə, heç olmazsa işığın qabağını kəsmə.

Ağıl az və ya çox – hamıda olur, amma sezginin yolu mənəvi saflaşmadan keçir.

Yalanla dünyanı dolaşmaq olar, amma geri dönmək olmaz.

Mərdliyi az olanın bicliyi çox olar.

Müasirlik mənəviyyatın zamana uyğunlaşmış, amma hələ zamanın sınağından çıxmamış üst qatıdır.

Sadəlik və sadəlövhlük çox vaxt qarışıq salınır, halbuki biri ürəyin təmizliyindən, o biri ağlın zəifliyindən irəli gəlir.

İçki məclisində ayıq adama münasibət necədirsə, naqis mühitdə düz adama münasibət də elədir.

Ehtiyacı olanlara ən böyük pisliyi yardım görüntüsü yaradanlar edir; onlar gerçək yardımların qarşısını almış olurlar.

Yaxşılığı yalnız yaxşılar, pisliyi isə hamı başa düşür.

Şərə qalib gələn xeyir, şərə rast gəlməyən xeyirdən qüdrətlidir.

Yarımçıqlıq bütün qüsurların tərkib hissəsidir, kamillik isə tam və bölünməz olur.

Bu aynada mən ancaq özümü görürəm. Amma bu ayna məndən öncə neçə-neçə sifətlər görüb.

İnsan sifətini güzgüdə gördüyü kimi, qəlbini də ancaq könül güzgüsündə görə bilər.

Yaxşı ol, qoy “pisdir” desinlər sənə,
Nə ki, pis olasan, “yaxşı” desinlər.

Məhək daşıyla qızılı yoxlayırlar, qızılla isə adamı.

Qorx qorxmazdan, utan – utanmazdan.

Savaşan iki kəsdən ağıllı olanın təqsiri daha çoxdur.

Laqeydlikdən irəli gələn tolerantlıq fəzilət deyil.

Kitab ol, hamıya açılma;
qoy səni ancaq anlayanlar oxusun!

İki işığın təmasından daha böyük işıq da yarana bilər, qaranlıq da.

Sadəlik, xeyirxahlıq və dürüstlük olmayan yerdə böyüklük yoxdur.

“Gözü ayağının altını seçməyənlər” gec-tez həyatın girdabına düşəcəklər.

Şöhrətpərəstin təkcə oturub-durduqları yox, düşməni də tanınmış olmalıdır.

Pulu, evi, əmlakı itirmək o qədər də acınacaqlı deyil, çünki bütün bunlar insanınkı deyil.
Acınacaqlısı insanın öz həqiqi mülkünü – ləyaqətini itirməsidir.