Müəllifə aid 68 aforizm var:

Allaha dua edib yalvardım, düşmənlərimi məndən uzaqlaşdır. Gündən-günə dostlarımın sayı azaldı. Anladım ki, düşmənlərim dostlarımın arasında imiş.

Bir kəs ki ağrı hiss edir - canlıdır. O kəs ki başqasının ağrısını hiss edr, o - insandır.

Yalnız qəlbimizdəki suallara cavab verən şeyləri oxumaq lazımdır.

Bilməməyindən qorxma, yanlış bilməyindən qorx, çünki bütün fəlakətlər onun üzündən baş verir.

Bilik ancaq o zaman həqiqi bilikdir ki, hafizə yox, düşüncə gücünə əldə edilmişdir.

Bilik məqsəd deyil, alətdir.

Azadlığa təzyiq göstərməklə ona meyli daha da gücləndirmiş oluruq.

İnsanlar danışmağı öyrənirlər, halbuki əsas elm nə vaxt və necə susmaq elmidir.

Sevgi ilə məharət bir araya gələndə, sənət incisi yaranar.

Sənətkar insanları öz daxilinə yönəldir və qəlbin hamı üçün ümumi olan sirlərini insanlara açıb göstərir.

Deməyə sözü olmayan hamıdan çox danışar.

Həqiqi sənətkar təkcə “başının ağlı” ilə deyil, həm də “ürəyin ağlı” ilə yaşayır.

Sadəlik, yaxşılıq və dürüstlük olmayan yerdə böyüklük yoxdur.

Adi adamlardan uca duran şəxs həmişə yalqızdır.

Aforizmlər fəlsəfi mühakimələri ifadə etməyin bəlkə də ən yaxşı formasıdır.

Heç nə etməyən səhvə yol verməz; əslində bu, onun elə əsas səhvidir.

Vətənpərvərlik təkcə vətəni sevmək deyil. Bu, daha dərin bir hadisədir...
Bu, özünün vətəndən ayrılmaz olduğunu dərk etmək və xoşbəxt və bədbəxt günlərini onunla birgə yaşamaqdır.

Bütün xoşbəxt ailələr bir-birinə bənzəyir, bədbəxt ailələrin isə hərəsi bir cür bədbəxtdir.

Gözəllik bizim sevdiyimiz şeydir.
Yaxşı olduğuna görə sevmirik, sevirik deyə yaxşıdır.

Yanıb işıq saça bilmirsənsə, heç olmazsa işığın qabağını kəsmə.

Sadəlik, xeyirxahlıq və dürüstlük olmayan yerdə böyüklük yoxdur.

Bəd əməllərin kökü bəd fikirlərdir.

Nə qədər insan varsa, o qədər də fikir var. Nə qədər ürək varsa, o qədər sevgi növü var.

Xəyalda elə tərəf var ki, o, gerçəklikdən yaxşıdır; gerçəklikdə elə tərəf var ki, xəyaldan yaxşıdır. Tam xoşbəxtlik bunların ikisinin bir araya gətirilməsidir.

Xoşbəxtlik peşmanlığa gətirməyən həzzdir.