Kateqoriyada 86 aforizm var:

Nə qədər şair var, söz var, şeir var
Dünyada onlardan mənəm yadigar.

Yaradıcı fəaliyyət valideynlikdən daha uca, daha şərəflidir. Belə ki, bu halda passiv ideyanın bölünməsi deyil, canlı ideyanın təcəssümü ilə rastlaşırıq.

Sənət məmləkətində bütün məbədlər unikaldır; onlar heç vaxt bir-birinin üzərinə toplanmır.

Sənət oxuculara, seyrçilərə və dinləyicilərə həzzi-mənəvi, həyəcani-bədii təmin etməkdir.

Elm əqlin hafizəsidirsə, sənət hissələrin hafizəsidir.

Sınaq-səhv metodu elm üçündür. Sənət əsərləri sınaq-səhv metodu ilə yaradıla bilməz, çünki qəlblərə ünvanlanmışdır.

Əsl sənət hiss və duyğunu necə yaranıbsa, eləcə – hələ öz təravətini itirmədən, öz bakirəliyində təqdim edir.

Əsl sənətkarlıq üzdə sadə görünənin alt qatdakı dərin mənasını üzə çıxarmaq məharətidir.

Sənətkarın öz əsərində iştirakı Tanrının kainatda mövcudluğu kimi olmalıdır – o, hər şeyi görməli və gözə görünməməlidir.

Sənət əsəri sənətkarın yaradıcı təxəyyülünü hər dəfə yenidən canlandırmaqla zamanlar arasında virtual rabitə yaradır.

Poeziya “ən yaxşı sözlərin ən yaxşı düzümü” deyil, poeziya dilin ali mövcudluq formasıdır.

Poetik təb də bir atım barıt kimidir. Tez alışır, tez sönür.

Şair – xalqın yaradıcı gücünün ifadəçisi, ruh aləmində baş verənləri əql dünyasına ötürən, fikir dünyasında baş verənləri bilik xəzinəsinə toplayan bir bələdçidir.

İnsan yaradıcılığı təbiətin təqlididir.

Təbiət incəsənəti onun əzəli yaratdıqlarının gözəlliklərindən vəcdə gəlmiş insanın iradəsi ilə yaradır.

Sənətdə təsvir olunan səma deyil, çay deyil, dəniz deyil… Təsvir olunan qəlbin ənginliyidir.

Bəzi insanlar incəsənəti başa düşür, bəziləri hiss edir, bəziləri isə həm başa düşür, həm də hiss edir.

Həqiqi sənət əsəri qarşısında zaman acizdir.

İncəsənət bütövdür, o yalnız Şərqə, yaxud yalnız Qərbə aid ola bilməz.

İnsan beyni yaradıcılıq aktını həyata keçirən kimi artıq heç kimə və heç nəyə bu prosesin qarşısını almağa imkan verməz.

Sənət həmsöhbətin susduğu dialoqdur.

Sevgi ilə məharət bir araya gələndə, sənət incisi yaranar.

Ədəbiyyat – əbədiyyəti ana, anı əbədiyyətə çevirir.

Şairə ilham sözün közünü üfürmək üçün lazımdır.

Həyəcanlanmış atom öz artıq enerjisini şüalandıraraq yenidən normal vəziyyətə keçdiyi kimi, ilhamlanmış sənətkar da bu ilhamın, hiss-həyəcanın daşıdığı enerjini öz yaradıcılığı ilə «şüalandıraraq» «normal” vəziyyətə keçir.