Müəllifə aid 58 aforizm var:

Ruhlar güclü olanda idarə edir, zəif olanda isə onları başqaları yönəldir.

Ataların var-dövləti çox vaxt övladlara bədbəxtlik gətirir.

Alın yazısını ancaq alın təri ilə yumaq mümkündür.

Həqiqi olan sakitdir, süni olan isə dilli-dilavər.

Bu gün keçmiş nəsillərin gördükləri böyük işlər əvvəllər bir insanın ağlında gizli yaranan bir fikir olub.

Həqiqəti mənimsəyən də bu həqiqəti söyləyən kimi dəyərli insandır.

Sən arxası günəşə dayananda, ancaq öz kölgəni görürsən.

Biz iki nəfər olmalıyıq ki, həqiqəti kəşf edək: biri – onu bəyan etmək, digəri – onu dərk etmək üçün.

İnsanın zülmət gecədə gizlicə gördüyü bir iş gün işığında onu ələ verir.

Şair – xalqın yaradıcı gücünün ifadəçisi, ruh aləmində baş verənləri əql dünyasına ötürən, fikir dünyasında baş verənləri bilik xəzinəsinə toplayan bir bələdçidir.

Sənətkar həmişə öz ailəsi və dostları üçün yaddır, öz vətənində yaddır, ümumiyyətlə bütün bu dünyada yaddır.

Poeziya – ürəkləri məftun edən müdriklikdir. Müdriklik isə fikir himnini ifa edən poeziyadır.

Böyük şair – bizim sükutumuzu ifadə edə bilən şairdir.

Poeziya – sadəcə gözəl söylənmiş bir fikir deyil. O qanayan yaranın və ya gülümsəyən dodaqların nəğməsidir.

Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.

Poeziya – sevinc, ağrı, təəccüb və bir az da lüğətdən götürülmüş sözlərin axınıdır.

Ancaq ürəklərində öz sirri olanlar bizim ürəklərin sirlərini anlamağa qadirdir.

Bir qırıq qəlb digər qırıq qəlbə təskinlik verə bilməz.

Qadınların kiçik qüsurlarını bağışlamayan kişilər heç vaxt onların böyük məziyyətlərindən zövq ala bilməzlər.

Təlimlər pəncərə şüşəsinə bənzəyir. Biz həqiqəti onun arxasından görürük və elə o da bizi həqiqətdən aralayır.

Tənhalıq təkcə kədərin yox, bütün mənəvi halların həmdəmidir.

Bədbəxt o millətdir ki, tikmədiyini geyir, əkmədiyini yeyir! Bədbəxt o millətdir ki, talançılarını qəhrəman mərtəbəsinə yüksəldir, təkəbbürlü qəsbkarlarını isə alicənab sayır!

Kim özündə yazıçılığa bir qabiliyyət hiss edirsə, deməli, söz musiqisinə, sadəlik sənətinə və sevgi sehrinə malikdir.

Həyatın nəsrlə yazdığını mən nəzmlə vəsf edirəm.

Həyat onun qəlbini oxumağı bacaran müğənni tapa bilməyəndə, onun dərrakəsi ilə danışan filosof yaradır.