Kateqoriyada 44 aforizm var:

Şərəfsiz şair poetik istedaddan məhrum olan hər hansı bir şərəfsizdən daha mənfur, daha rəzil və günahkar bir vücuddur.

Klassiklər müxtəlif xalqları və millətləri bir araya gətirən ümumbəşəri məbədin sütunlarıdır.

Hər müəllif sanki öz ömrünü uzatmaq, hətta əbədiyyətə qovuşmaq üçün yazır; yaxşı əsər müəllifinə (sağlığında ikən) ölməzlik gətirir, pis əsər ölməzlik ümidini öldürür.

Şeir xoş bir təbəssümdən, ya da göz yaşlarından yaranır.

Müəllifi tənqid etmək asan, dəyərləndirmək çətindir.

Musiqi ruhun qidasıdır.

Bədii əsərin gücü nə vaxtsa bir nəfər tərəfindən yaşanmış duyğunun minlərlə adam tərəfindən dönə-dönə yenidən yaşanmasındadır.

Klassiklər keçmişlə bu gün arasında körpüdürlər.

Nəsrdə poeziya xörəyin duzu kimidir.

Tənqidçi fəlsəfi hazırlıq səviyyəsinə görə yazıçıdan yüksəkdə durmasa, əsərin həqiqi qiymətini verə bilməz.

Qanadsız bir quşdur xülyasız şeir.

Hər bir əsər müəllif ideyasından daha zəngindir.

Önəmli o deyil nə haqqında və ya kimin haqqında yazılıb, önəmli odur ki, kim yazıb!

Yaxşı roman öz qəhrəmanı haqqında, pis roman isə – öz müəllifi haqqında həqiqəti söyləyir.

Ən kamil əsər ideyaya adekvat olan əsərdir.

Ən gerçək portret dahilərin yazılarında üzə çıxır. Onlar heç kimin görmədiklərini üzə çıxara bilirlər.

Şairə ilhamdan maya gərəkdir.

Bədii əsərdə sözlər üçün darısqallıq, fikir üçün genişlik var.

Böyük şair – bizim sükutumuzu ifadə edə bilən şairdir.

İndiki şairlər öz mürəkkəblərinə həddən çox su qatırlar.

Ötən əsrlərin yazıçısı ilə söhbət etmək səyahət etmək kimi bir şeydir.

Hər bir uşaq dahi rəssamdır. Çətinlik ondadır ki, uşaqlıq dövründən çıxandan sonra da rəssam kimi qalsın.

Qısa və aydın yazmaq səmimi və xeyirxah olmaq qədər çətindir.

Klassik oxucu sənətkarın yazdığını onun özündən daha yaxşı başa düşə biləndir.

Ölü doğan müəllif nə vaxtsa dünyaya diri övlad gətirə bilsə, əvvəl ölənlər də dirilər.