Kateqoriyada 109 aforizm var:

Sözü götürüb gətirən, söyləyəndən daha pisdir

Ağızdan çıxan baş qadası, ağızdan girən iç qadası

Susmaq, dili ağrıtmaz.

Sümüksüz dil, sümük sındırar.

Şamaxıda danışılan, Bakıda eşidilir.

Sözsüz ev olmaz,
çalqısız toy olmaz.

Baş, dil ilə asılar.

Şirin dil ilanı yuvadan çıxardar.

Çox bilən quş, dimdiyindən cələyə düşər.

Çox bilib az danışmaq igidin ləngəridir.

Çox bilirsən, az danış.

Hərzəkar ağız başa yumruq vurdurar.

Söhbət ki var, bulaqdır, kəsilməsə axacaq.

Söyləyən olma, dinləyən ol.

Söyləyəndən dinləyən arif gərək.

Söz çeynəyən çox, söz deyən az.

Söz həyatın bəzəyidir.

Sözü sözdən alarlar.

Sözünü bilməyənə aşağı başda da yer yoxdur.

Sözün yaxşısı baldan şirin olar.

Sözün yalanı olmaz, yanlışı olar.

Sözün zahiri zərif, batini lətif olmalıdır.

Sözün doğrusunu zarafatla deyərlər.

Sözün doğrusun de, min atını çap.

Sözün də qanadı var.