Kateqoriyada 141 aforizm var:

Dünyanın bütün problemi, axmaqlar və fanatiklər bu qədər özündən əminkən, ağıllı insanların şübhələrlə dolu olmasıdır

Hər şeyin bir səbəbi varsa, Tanrının da bir səbəbi olmalıdır. Səbəbsiz hər hansı bir şey var ola bilirsə, bu Tanrı kimi dünya da ola bilər.

Dünya, ac olduqları üçün yata bilməyənlərlə, aclardan qorxduqları üçün yata bilməyənlər arasında ikiyə bölünmüş vəziyyətdədir.

Demokratiya - sizin başınızın üzərindəki hava şarıdır, gözlərinizi zilləyib ona baxdığınız vaxt o birilər sizin ciblərinizi boşaldır.

Dünyada dildən-dilə gəzən çoxlu yalanlar var. Ən pisi də odur ki, onların yarısı doğrudur.

Bu dünyada bir başqasının yükünü yüngülləşdirən heç kim faydasız deyil.

Bu dünyada məni bir neçə adam anladı, onlar da səhv anladı.

Bivəfadır çün bu dünya, kimdən istərsən vəfa?!
Bivəfa aləmdə sən yari-vəfadar istəmə!

Dərdi dünya olanın, dünya qədər dərdi olar.

Hər şeyin bir kölgəsi var, heçlikdən başqa.

Təbiətlə həmahəng ol.

Təbiət ancaq o adama tabe olur ki, o təbiətin dili ilə danışır.

Mənə dayaq nöqtəsi verin, yeri yerindən oynadım.

İnsan özünü ancaq dünyanı dərk etdiyi dərəcədə dərk edə bilər.

Özünüdərk dünyanın dərkindən keçir.

Kainatın insan dünyasında tutduğu yer bəzən insanın kainatda tutduğu yerdən də kiçik olur.

Dünya bizə məxsusdur. Amma bəzən hansısa dünya malına aludə olanda, bütövlükdə dünyanı qurban verdiyimizin fərqində olmuruq.

Küləş tək alışıb yanmağın adəti yandırmaqdırsa, aqibəti – kül olmaqdır.

Dünyaya nizamsız şəkildə nizamlı formalar səpilib.

Çiçək gah açıqdır, gah da pünhandır,
Ağac gah geyimli, gah da üryandır.

Dünyanı tam halında yaşamaq olmur; o çiçək-çiçək, damla-damla yaşanır.

İnsan idrakına daimi bir daxili mübarizə xasdır, çünki o iki barışmaz tələbat üzərində qurulmuşdur. Birincisi, görmək ehtiyacı – amma biz ancaq sürəkli olanı görürük, sürəklilik isə sonsuzdur. İkincisi, anlamaq ehtiyacı, – biz ancaq sonlu olanı anlaya bilərik.

İnsanla uzlaşmayan dünyalar insan üçün yoxdur və insan özü də həmin dünyalarda yoxdur.

İnsan o vaxt xoşbəxt olur ki, iç dünyası ilə içində yaşadığıdünya uyğun gəlsin.

Məntiq hamı üçün eyni olmasaydı, vahid bəşəriyyətdən danışmaq mümkün olmazdı.