Kateqoriyada 63 aforizm var:

Oğul da nə eləsin babadan mal qalmasa,
Baba malından nə fayda başda dövlət olmasa.

Kamalındır dövlətin, kamalına arxalan,
Amalındır comərdlik, amalına arxalan.

Sən ölkəni sevib, hakimiyyətinə nifrət edə bilərsən

Ən az idarə edən dövlət, ən yaxşı dövlətdir.

Millət yalnız ruhun emosional halından fəlsəfi özünüdərk məqamına yüksəlirkən əsl böyük millət olur.

Dövlət adamının ürəyi başında olmalıdır.

Vətəndaşlıq üçün Vətən sevgisi hələ yetərli deyil; bunun üçün dövlətçilik şüuru da tələb olunur.

Xalq dövlət üçün yox, dövlət xalq üçün olmalıdır.

Vətənpərvərlik insanın daxilindəki duyğulardır. Əgər bunlar yoxdursa, o insan mənəviyyatsızdır.

Siyasətin ancaq başı var, ondan ürək istəməyin.

Əgər hər hansı ölkənin xalqları öz hüquqlarını anlayır və onları qoruya bilirsə, o zaman ən kiçik dövlət belə ən böyük məmləkət qədər güclü olar.

Böyük siyasətçilər bəzən aşkarda axın istiqamətində, alt qatda isə ikiqat sürətlə axına qarşı üzməli olurlar.

Bütün sosial orqanizmlərin canlı məxluqlar kimi özünüqoruma instinkti var.

Dövlətlər ancaq yaxşı ilə yamanı bir-birindən seçə bilməyəndə məhv olur.

İdeologiya – haradasa fəlsəfə ilə siyasətin arasındadır.

Nə qədər ki, siyasət mədəniyyətə müxalifdir, yazıçı da siyasətə müxalif olacaq.

Dünya tarixində ən böyük hünər və qəhrəmanlıqlar vətən naminə edilib.

Torpağı qorumasan, əkib-becərməyə dəyməz, əkib-becərməyəcəksən – qorumağa dəyməz.

Ən böyük şəxslər özündən çox, mənsub olduğu xalqı düşünən, onun xoşbəxtliyi yolunda həyatını verən insanlardır.

Vətən sevgisi üçün hansı ölkədə doğulmaq yox, hansı ölkənin doğma olması əsasdır.

Deyirlər siyasət ikinci qədim peşədir.
Ancaq mən bu nəticəyə gəlmişəm ki, birincidən
o, çox şeylər əxz eləyib.

İdeya və iradə müəyyən sosial bazaya yiyələnəndə siyasətə çevrilir.

Qövmlər layiq olduqlarışəkildə idarə olunurlar.

Adətlərə arxalanmayan qanunlar zəif olur.

Ya bəşəriyyət müharibələrə, ya da müharibələr bəşəriyyətə son qoyacaqdır.