Müəllifə aid 98 aforizm var:

Həya və iman bir beşikdə iki körpə kimidir.

Güclü o şəxs deyil ki başqalarına güc ilə qalib gəlir, güclü o şəxsdir ki qəzəbləndiyi zaman özünə nəzarət etsin.

Əldən getməyincə dəyərini anlaya bilməyəcəyimiz iki şey var: sağlamlıq və gənclik.

Dünyanı istəyən elmə sarılsın, axirəti istəyən yenə elmə sarılsın.

Bir gerçəyi müdafiəyə qalxarkən, ona əvvəlcə özümüz inanmalıyıq, sonra başqalarını inandırmağa çalışmalıyıq.

Qəlb kor olduqdan sonra gözün görməsindən nə fayda?!

İnsanın pulu artdıqca düşməni, elmi artdıqca dostu çoxalar.

Qövmlər layiq olduqlarışəkildə idarə olunurlar.

Övladınızı öz zamanınıza görə yox, gələcək zamana görə yetişdirin.

Dil insanı dəyərləndirmək üçün vasitədir.

Ayaqlar baş olanda, başlar ayaq altında qalar.

Ölmədən öncə ölmək lazımdır.

Ən böyük qələbə insanın öz üzərindəki
qələbəsidir.

Heç ölməyəcəksənmiş kimi dünya üçün,
Sabah öləcəksənmiş kimi axirət üçün çalış.

Zəngin, çox mala sahib olana deyilməz, zəngin ürəyi olana deyilir.

Varlıların yediyi, fəqirlərin isə məhrum olduğu toy xörəyi necə də pisdir.

Torpağın sürtülməsi dəmiri təmizlədiyi kimi Allahı yaddan çıxarmamaq da insanın ürəyini təmizləyir.

Tərəzidə gözəl xasiyyətdən daha ağır gələn heç bir şey yoxdur.

Tanışlarınızdan biri öldüyü zaman onu rahat buraxın və haqqında pis danışmayın.

Sizin ən yaxşınız ən gözəl xasiyyətlinizdir, o kəsləriniz ki, özləri başqaları ilə ünsiyyət tuturlar, başqaları da onlarla ünsiyyət tuta bilir.

Sizin ən yaxşınız dünyada daha rəğbətsiz, axirətdə isə daha rəğbətli olanınızdır.

Sizin qiymətiniz yalnız behiştdir, özünüzü ondan ucuzuna satmayın.

Sizinkindən daha çox sərvəti və gözəlliyi olan adamı görəndə sizdən kasıb və çirkin olanlar haqqında düşünün.

Sizdən aşağı olan adamlara baxın; bu sizi İlahinin xeyir-duasına etinasızlıqdan qoruyar.

Siz öz Yaradanınızı sevirsinizmi? Əgər sevirsinizsə, onda hər şeydən əvvəl öz qardaşalrınız olan insanları sevin.