Kateqoriyada 62 aforizm var:

Bizə bu acıları daddıranlara qarşı Allah'ın ən böyük intiqamı,
bu acılardan sonra və bu acılar sayəsində ərəcəyimiz ruh qüvvətidir.

Bədəni öldürənlərdən çox, ruhu öldürənlərdən qorxun.

Könüllərin birləşmək əzmi insani mahiyyətin, bədənlərin birləşmək istəyi isə heyvani başlanğıcın əlamətidir.

İnsan yediyinin hesabına yox, həzm etdiyinin hesabına yaşayır. Bu qayda həm ağıla, həm də bədənə aiddir.

Ehtirasını idarə et, yoxsa o səni idarə edər.

Bütün ömür boyu ruh yandıqca səpələnir, paylanır və onun qığılcımları münbit mühitlərə düşərək neçə-neçə yeni həyatların başlanğıcına çevrilir.

Bədən ən sədaqətli dostdur; hətta biz ona zülm edəndə də, o bizi tərk etmir, ta-a biz onu tərk edənədək.

Bədən ruhsuz qalanda ayrılığa dözməyib xiffətdən çürüyür.

Ruh nə qədər çox verirsə, o qədər zəngin olur.

Qəzəbin alovu ilk əvvəl sahibini yandırar. Sonrakı qığılcımı düşmənə ya çata, ya çatmaya...

Təqva qədər əsrarəngiz bir duyğu yoxdur.

İnsan bədəni dünyanın, kainatın bir zərrəsi olduğu halda, insan ruhu dünyanı, kainatı ehtiva etmək qüdrətindədir!

Öz ruhunun dərinliklərinə baş vur ki, o zaman hər gün yeni üfüqlər açacaq, ayaq dəyməmiş torpaqlar, dumduru çaylar, hələ heç kimin görmədiyi səmalar, yeni ulduzlar, yeni kəhkəşanlar kəşf edəcəksən.

Öz ruhumuzla başqalarını canlandırmaq onlara sahib olmaq deməkdir.

Bəzən bir dəqiqəlik həzz ömürlük iztirabların səbəbi olur.

Nəfsi bir dəfə boğmaq asandır, amma o, səni zəif məqamda yaxalayana qədər hər dəfə yenidən qayıdır.

Fəzilət ruhun sağlamlığı, sağlamlıq bədənin fəzilətidir.

Ehtiras ağlı üstələyəndə dünyada qlobal istiləşmə baş verir.

Əqlə yiyələnmək yox, əql vasitəsilə biliklərə yiyələnmək lazımdır.

Bəsirət gözü açılana qədər insan dünyanı bədənin gözü ilə dərk etməyə çalışır.

Məgər ruhunuzu oxşayan bu ud həmin o ağac deyilmi ki, əvvəlcə bıçaqla oyulub?!

Sağalmağın şərtlərindən biri sağalmaq istəməkdir.

Ruhun təntənəsi bədənin inkarı üzərində qurulmamalıdır.

Ehtiras ona görə yaradıcılığın mənbəyidir ki, ruh ilə bədən ehtiras məqamında birləşir.

Ən qorxulu qəzəb səbirli adamın qəzəbidir.