Kateqoriyada 30 aforizm var:

Cəmiyyət insanlardan ibarətdir. Cəmiyyətdən kənarda insan olmaz.

Yüksəklərdə uçmalısan ki, yerdə gəzənlərin sənə atdıqları daşa tuş gəlməyəsən.

Bir dana naxırın adını korlayır.

Elnən gələn toy-bayramdır.

Hətta sübutsuz dedi-qodu da özündən sonra dərin izlər buraxır.

Ocaqdan ancaq işıq saçılmır. Yanğının iztirabları da alovla birlikdə çıxıb səpələnir.

Göz yediyi aşı tanımalıdır.

Bütün üzvləri eyni cür düşünən cəmiyyət inkişaf edə bilməz.

Şərqin idealı – insanın kamilləşməsi,
Qərbin idealı – cəmiyyətin təkmilləşdirilməsidir.

Eşşəyə min ata çatana qədər.

Kim səndən qorxursa, qıl ondan həzər
Olsan da yüz elə şəxsə bərabər.

Çağırılan yerə ar eləmə, çağırılmayan yeri dar eləmə.

Bir tam halında fəaliyyət göstərə bilməyən ictimai sistemin ayrı-ayrı daxili qurumları nə qədər cəhd göstərsə də, cəmiyyətin inersiyasından xilas ola bilmir.

İctimai həyatda üzə çıxan ancaq zahiri mədəniyyətdir.

Eşşək başına yaraşmayır qızıl tac,
Eşşək üçün yaranmışdır palan, noxta və ağac.
Bir eşşəyin noxtası gər ola mirvarıdan,
Baxan deyər nə rəzildir bu heyvan.

Toyuq ölür, bir cəngə tükdür.
Dəvə ölür, dərisi iki ulağa yükdür.

Bəşər dünyasının piramidası tərsinə dayanmışdır: azlıq çoxluğun çiynində deyil, çoxluq azlığın çiynində gedir.

“Ağac bar verəndə başını aşağı əyər”. Amma hələ bar verənə qədər boy atmasına imkan vermək lazımdır.

Kim əgər kömürçü yanından keçsə,
Qayıtmaz üst-başı batmadan hisə.
Ətirçi yanından keçərsə əgər,
Üstündən – başından tökülər ənbər.

İctimai ovqat yaxşı olmayan yerdə fərdlərin ovqatı ancaq süni vasitələrlə yüksələ bilər.

İntiqam hissi ilə yaşayanların yaraları həmişə təzədir.

Şərqlilər dağın arxasında nə olduğunu görə bilirlər, lakin gözlərinin önündə nə olduğunu görmürlər.

Alaq otu tez yetişər.

Zər əhlində kərəm yoxdur, kərəm əhlində - zər.

Fərdi mahiyyət ailə məhəbbətində, ictimai mahiyyət vətən sevgisində üzə çıxır.