Kateqoriyada 29 aforizm var:

Xüdpəsənd olmayan təmiz bir insan,
Qorxmaz nə yaxşıdan, nə də yamandan.

Heç kimsəylə yola getmirsə bir kəs,
Ona bel bağlayıb bir iş görülməz.

Pis, yaxşı nəyin var, demək malındır,
Lakin sənə vacib öz kamalındır.

Dünyanın işini, yaxşı düşün sən,
Nə əksən, onu da sən biçəcəksən.
Yaxşı iş də görsən, pis iş də, inan,
Unutmaz onları bu qoca dövran.

Bütün düşmənliklərin kökü, pis biriləri ilə dostluq etmək və onlara yaxşılıq etməkdir.

Alimdən zalim, zalimdən alim doğar. Allah təqdir edərsə alim ailədən qan tökən, zalim ailədən bilgin sayğıdəyər insanlar doğabilər.

Qaçan da "Allah" deyir, qovan da

Su suya, yağ yağa qarışar.

Mən yaxşılıq edəndə özümü yaxşı hiss edirəm. Pis hərəkət edəndə özümü pis hiss edirəm. Budur mənim dinim.

Elm atom bombasını kəşf etdi, lakin əsil pislik insanların beyinlərində və qəlblərindədir.

Yaxşı iş görməkdə əziyyət çəksən, əziyyət keçəndən sonra yaxşılıq qalar; pis iş görüb ləzzət çəksən, ləzzət gedər, pislik qalar.

Yaxşı insan ol, amma bunu isbat etməyə vaxt itirmə

Yaxşıya da pisədə bir pərdə çəkilmişdir
Özgəyə ayıb tutmaq özü də ayıb işdir.

Yaxşı da, yaman da, keçər dünyada,
Çalış yaxşılıqla düşəsən yada.

Nə pis adamlardan yaxşılıq gözlə, nə də yaxşı adamlardan pislik.

Dinin özü yaxşılıq etmək, pislikdən qaçınmaqdır.

Pislik etmədən peşman olmağın ən yaxşı yolu, yaxşılıq etməkdir.

Yaxşılıq, sadə; pislik isə çox istiqamətlidir

Yaxşılıq etməyə gücün çatmırsa, pislik etmə.

Hər cür pisliyi etməyə müqtədir ikən, pis bir şey etməmək: Budur yaxşılıq.

Yaxşıya yaxşı de, yaxşılığı artsın, yamana yaxşı de, yamanlığı qayıtsın.

Yaxşılıq bilməyən, yamanlıqdan qalmaz.

Yaxşılıq ağac başında - tutmaq çətin, yamanlıq ayaq altında - atmaq çətin.

İyi ilə kötü hara, altın ilə tünç hara.

Yaxşının nə olduğun pisdən soruşma, pis bilməz yaxşılıq nədir.