Müəllifə aid 19 aforizm var:

Elm hər dildə birdir.

Hər qaranlıqda çırpınır bir nur,
Hər həqiqətdə bir xəyal uyuyur.

Mərifət nuru şübhədən parlar.

Kəssə hər kim tökülən qan izini,
Qurtaran dahi odur yer üzünü.

Qüvvət üstündə varsa əqli-səlim
Sana həp kainat olur təslim!

Ədəbiyyat millətdəki əhvali-ruhiyyənin inikası deməkdir.

Bir millətin lisanı mövcudiyyətinin ən parlaq bürhanıdır.

Bir millətin tərəqqi və tənəzzülünü bilmək üçün onun məktəblərini görmək kifayət edər.

Siyasət rol oynarkən, ədəbiyyat susur.

Bugünkü müharibədə toplar, tüfənglər deyil, hər məmləkətin ədəbiyyat və fəlsəfəsi ilə bəslənən beyinlər də ayrıca haizi-əhəmiyyətdir.

Ölüm var ki, həyat qədər dəyərli,
Həyat var ki, ölümdən də zəhərli.

Qaranlıq gecələr olmasaydı, gözləri oxşayan ulduzlar bunca sevilməzdi.

Yaşamaq gərçi xoş əməl,
Yaşatmaq daha gözəl.

Ağlanacaq bir hal idi
Özümüzdə görürdük,
Dilimizin, dinimizin
Getməsinə gülürdük.

Mən gözəllərdə gözəl ruh araram,
Ruhu düşkünləri çirkin sanaram.

Əsərlər zəhərli, əxlaqsız, kefşək bir mövzu təqib edərsə, gec-tez bütün oxucularını da zəhərləmiş olar.

Arslanların saymazlığı şikarı tülkülərə qapdırar.

Həp sevgidir gözəlliyi insana sevdirən,
Məhrumi-eşq olunca gözəllik də can sıxar.

Təzad həyatın ahəngidir.