Kateqoriyada 58 aforizm var:

Ədalətin olmadığını görə biləcək qədər yaşlıyam.

Ədalət qütb ulduzu kimi yerində dayanar və geri qalan hər şey onun ətrafında dönər.

Xəcalət çəkəni etməzlər zəlil,
Bu zülmkarlıqdır, ədalət deyil.

Məmləkətin dayağı ədalətdir hər zaman,
Ədalətin nəsibi səadətdir hər zaman.

Məsləhətə möhtacdır ədalət hər bir zaman.

Dünyaya fateh olmaz zülmkarlıq, rəzalət,
Yer üzünün fatehi ədalətdir, ədalət!
Ədalətin müjdəsi bu dünyanı şad eylər,
Ədələtin işidir-ölkəni abad eylər.

Hakimdə dörd zəruri keyfiyyət olmalıdır: o, səbr və nəzakətlə dinləməli, ağılla cavab verməli, soyuqqanlı düşünməli və qərəzə yol vermədən ədalətli qərar çıxarmalıdır

Ədalət də eşq və şərab kimi ürəklərin pasını silər.

Ədalət olmadan nizam olmaz.

İnsanlar özləri ilə elə məşğuldurlar ki, ətrafdakılara diqqətlə nəzər yetirib, onları ədalətlə qiymətləndirməyə macal tapmırlar. Elə buna görə də ədalətli və təmkinli adamlar çox vaxt kölgədə qalır.

Dövlətin əsası ədalətdir.

Hakim – danışan qanun, qanun isə – lal hakimdir.

Qanı qanla yumazlar.

Zülmün topu var, gülləsi var, qələsi varsa,
Haqqın da bükülməz qolu, dönməz üzü vardır.

Pis qanunlar zülmün ən pis növüdür.

Haqq nazilər, üzülməz.

Gücə söykənməyən ədalət aciz, ədalətə söykənməyən güc isə zalımdır.

Qanunlar hörümçək toru kimidir: iri milçəklər ondan keçir, xırdaları isə ilişib qalırlar.

Qoyunu qoyun, keçini keçi ayağından asarlar.

Qanun güclüdür, ehtiyacsa ondan da güclü.

Qurda rəhm etmək quzunu bada verməkdir.

Bir insan barəsində yol verilmiş ədalətsizlik hamı üçün hədədir.

El gözü tərəzidir.

Haqqın qoruna bilməsi üçün hərbə hazır olmaq lazımdır.

Hüququn ən qəddar düşməni imtiyazdır.