Müəllifə aid 13 aforizm var:

Dünyanın içində ola-ola dünyadan azad olmaq ən böyük məharətdir.

Haqqın qulu hürr insandır.

Ağıl alovlanmağa başlayanda könül olur.

Könülün hökmü altında olan ağıl – ilahi; hökmü altında olmayan ağıl isə – şeytanidir.

Ağıl da, qəlb də eşq atəşinin qığılcımlarıdır.

Tarixi kəsilmələr dövründə ənənəçilik millət məfhumunun mühafizə edilməsi üçün ictihaddan daha əhəmiyyətlidir.

O (Qərb), gül üzərində uçsa da, onun yalnız balını götürən arı kimidir.

Fərd özünü tanıyanda fərd olur. Millət də ancaq öz mənliyini qazananda millət olur.

Başqalarının fikir və düşüncələrinin qurbanı olan millət özünü məhv edib yadları faydalandırar.

Milli həyatın kamilliyi millətin bir fərd kimi mənlik hissini duyması ilə ölçülür.

Həyatın alovu görünməyən aydınlığını göstərmək üçün özünü öz dumanı ilə pərdələyir.

Mənim gözüm Allahın təcəllisini təkbaşına istəmir; cəmiyyət olmadan Allahın təcəllisini görmək xətadır.

Ərlərin eşqi gözəlliyi təyin etməyin meyarıdır. Gözəlliyin üzərindəki pərdəni parçalayan bu eşq, eyni zamanda onu pərdələyər.