Kateqoriyada 40 aforizm var:

Tarixdən götürüləcək yeganə dərs odur ki, insanlar tarixdən heç vaxt dərs götürmürlər.

Türk tarixi yaratdı, amma yazmadı.

İnsanlar öz tarixlərin yazmasa, başqaları bunu öz bildyi kimi edəcək

Tarixdən öyrənməyənlər onu təkrar etməyə məhkumdurlar

Hərə öz zəmanəsində oturub tarix yaza bilməz; bütün ruhu ilə keçmişə köçmək, dövrün ab-havasına bələd olmaq və indiyə keçmişlə birlikdə qayıtmaq lazımdır.

Tarixi tədqiqatın birinci şərti bu günlə keçmiş arasında mənəvi körpü salmaqdır.

“Tarixə düşmək” özü də uğur hesab edilir, amma ən böyük uğur tarixin qatarında bu günə gəlib-çatmaq və gələcəyə getməkdir.

Əgər keçmişə atəş açsan, gələcək səni topa tutacaqdır.

Biz nəyi qururuqsa, öncə qurulmuşların üzərində qururuq.

Şərq təfəkkürü təəssüratçılıqla,
Qərb təfəkkürü təfərrüatçılıqla səciyyələnir.

Tarix elm qiyafətinə girəndə yox, ancaq özünə oxşayanda həqiqətə daha çox yaxınlaşır.

Ancaq bir sivilizasiya var; sadəcə onun sükanı əldən ələ keçir.

O xalqlar tarixdə daha düzgün mövqe tuta bilir ki, onlar başqalarının tarixindən də dərs almağı bacarırlar. Bu dərs isə təkcə tarixi salnamələr vasitəsilə deyil, daha çox dərəcədə bədii ədəbiyyat vasitəsilə mənimsənilir.

Tarixi olmayan ölkə ölü ölkədir.

Tarix – əsillərin az, surətlərinsə çox olduğu rəsm qalereyasıdır.

Tarix fənninin tədrisində xronoloji ardıcıllıq keçmişdən indiyə yox, indidən keçmişə doğru olmalıdır.

Böyük tarixi hadisələrin təməli durğunluq illərində qoyulur.

Bu günü olmayan xalqın keçmişi də yoxdur.

Tarix hadisələrin romanı, roman isə duyğuların tarixidir.

Bir gün gələcək, Günəş yenə də Şərqdən doğacaq.

Tarix hadisələr səviyyəsində qərar tutur, elm hadisələrdən mahiyyətə gedir, fəlsəfə isə mahiyyətdən başlayır.

O (Qərb), gül üzərində uçsa da, onun yalnız balını götürən arı kimidir.

Tarix elə bir ortaq sərvətdir ki, ondan hər xalq öz fərasətinə görə pay götürür.

Qərb cəmiyyəti ürək çatışmazlığından,
Şərq cəmiyyəti ürək ifratından əziyyət çəkir.

Şərqdə cəmiyyət insanların toplusu,
Qərbdə insanlar cəmiyyətin hissələridir.