Müəllifə aid 68 aforizm var:

Özünü ağıllı göstərmə çabası, hər zaman ağıllı olmağı əngəlləyir.

İnsanlar əksər hallarda düşünülmüş niyyətlə yox, xarakterin zəifliyi ucbatından xəyanət edirlər.

Həqiqi sevgi kabus kimidir: hamı onun haqqında danışır, amma çox az adam onu görüb.

Bir axmaq bizi tərifləyən kimi, o artıq bizə elə də axmaq görünmür.

Həqiqi sevgi nə qədər nadir olsa da, həqiqi dostluğa daha nadir rast gəlinir.

Həqiqi insan ləyaqətinin bir üstünlüyü də ondadır ki, hətta paxıl adamlar da onu tərifləməyə məcburdur.

Qüsursuz olsaydıq, başqalarının qüsurlarını tapıb ortaya çıxartmağa bu qədər maraq göstərməzdik.

Əsil sevgini tapmaq çox çətindir, amma əsil dostluğu əldə etmək ondan da çətindir.

Elə göz yaşlarımız var ki, başqalarını aldatdıqdan sonra dəfələrlə bizi də aldadır.

Elə uğursuz vəziyyət yoxdur ki, ağıllı ondan nəsə bir xeyir götürməsin, elə uğurlu durum yoxdur ki, axmaq onu öz əleyhinə çevirməsin.

Gözüaçıq olmayan insanlar məqsədə çatmayan yox, ondan yan keçən insanlardır.

Yalnız böyük insanların böyük qüsurları ola bilər.

Özümüzə münasibətdə kiçik saydığımız xətanı başqalarına münasibətimizdəki ən məkrli xəyanətdən daha amansızlıqla mühakimə edirik.

Qısqanclıq sevgi ilə bərabər yaranır, amma onunla birgə ölmür.

Gənclər yenilik sevir, qocalar isə ənənələrə sadiq olurlar.

Bir şey nə qədər cidd-cəhdlə gizlədilsə, bir o qədər tez aşkar olar.

Birinə məhəbbətimiz artıq soyuyandan sonra onu ikinci dəfə sevə bilmərik.

Gözə soxulan sadəlik – niyyətli ikiüzlülükdür.

Qısqanclıqda sevgidən daha çox özünü sevmək var.

Adamları öyrətmək onları öyrənməkdən asandır.

Kiçik işlərdə həddən artıq canfəşanlıq edənlər böyük işlərə yaramırlar.

Yaşlanmasını bilən çox az insan vardır.

Yaşadığımız illərin sayına baxmayaraq, çox vaxt təcrübəmiz çatışmır.

Yanıldığını əsla qəbul etməyənlər, ən çox yanılanlardır.

Yaxşı bir nəsihətdən faydalanmaq, ən az onu vermək qədər sağlam fikirə ehtiyac duyar.