Kateqoriyada 44 aforizm var:

Dahinin hər yaratdığında biz özümüzün gerçəkləşə bilməmiş fikirlərimizi görürük.

Hər insanın öz dəyəri var, amma dəyərsiz insanlar da var – bunlar dahilər və səfillərdir.

Bütün sular ləpələnə bilər, dalğa isə ancaq dəryada olur.

Tək-tək insanların şablonları aşıb keçməsi üçün təbiət özü də ara-sıra istisnalar etməlidir.

Uca dağların yamacları da təpələrin zirvəsindən yüksəkdə durur.

Zirvədən o yana ancaq eniş var.

Balıq olmayan yerdə xərçəng də balıqdır.

Həyatın dibindən ideya səmasına yüksəlmək üçün yetərli ruhani enerji olmalıdır.

Dərində üzməyi bacaranlar üçün dayazda üzmək darıxdırıcı olur.

Dahi şəxslər mühitini öz qəlbində gəzdirir.

Böyük şəxsiyyətlər tarixin sütunlarıdır. Onlar nə qədər möhkəm olsa, cəmiyyətin inkişafı da bir o qədər dayanıqlı olar.

Qütblər zirvədə birləşir.

Zirvə zahirdə yox, batindədir.

Əgər mən uzağı görə bilmişəmsə, ancaq ona görə ki, dahilərin çiynində dayanmışam.

Qaydaların fövqünə qalxmaq mümkün olmasaydı, dahilər və qəhrəmanlar yetişə bilməzdi.

Böyük işlər görmək üçün dahi olmaq, insanlardan yüksəkdə durmaq şərt deyil; bunu onlarla bir yerdə də etmək olar.

Bütün dahilər bir-birinə doğmadırlar.

İldırım dağların başında çatlayır.

Mənim üçün böyük insan öz beyni ilə ürəyi arasında rabitə yaradan insandır.

Müdriklik həyat elminin mənimsənilməsidir.

Mənəvi güc özünü yaradıcılıqda və xilaskarlıq missiyasında biruzə verir.

Yüksək təpələrdə həm ilana, həm də quşa rast gələ bilərsiniz; biri sürünərək, o biri isə uçaraq yüksəlmişdir.

Dahilik fikrin müəyyən səmtdə davamlılığıdır.

Hansısa bir əsəri ilə zirvəni fəth edənlər sonra bütün əsərlərini zirvəyə daşımağa çalışırlar.

Müəyyən qədər dəliliyi olmayan dahi dünyaya hələ gəlməmişdir.