Kateqoriyada 37 aforizm var:

Əgər sən fili arxa ayaqlarından tutmusansa və o qaçmağa çalışırsa, yaxşı olar ki onu buraxasan.

İş işdən keçəndən sonra tumanbağını bərkitməyin nə mənası var?

Su yatar, düşmən yatmaz.

Sərçə, yağış yağsa - balasını, dolu yağsa - öz başını qoruyur.

Öz pişiyini aslan görən, özgənin aslanını pişik görər.

Eşşəyin üzünü yuyanda külək qopar.

Şərti şumda kəs, xırmanda şana-kürək sınmasın.

Xalam bildi - aləm bildi.

Soruşan dağları aşar,
Soruşmayan düzdə çaşar.

Sonrakı peşmançılıq fayda verməz.

Sirrini demə dostuna, dostunun da bir dostu var.

Sirr açandan el qaçar.

Pusquda oturan yatmaz.

Özgənin sözünü sənə deyən, sənin də sözünü özgəyə deyər.

Nə görsün, nə də hürsün.

Nə yada sirrini ver, nə namərdə bel bağla.

Nə eşitsin, nə də qanı qaralsın.

Nə göz görsün, nə ürək bulansın.

Yüz ölç, bir biç.

Yoldan çıxanı yol vurar.

Yerin də qulağı var.

Yatan itləri oyatma.

İgidin igiddən nəyi artıqdır? - Ehtiyatı.

Eşitdiyinə inanma, gördüyünə inan.

Ehtiyatlı oğulun anası ağlamaz.