Müəllifə aid 70 aforizm var:

Əsl kişi iki şey istəyər: təhlükə və oyun. Bu səbəbdən də ona ən təhlükəli oyuncaq kimi qadın lazımdır.

Acıların bölüşülməsi deyil, sevinclərin bölüşülməsidir dostluğu yaradan.

Yıxılanda yanında olan deyil, qalxmaq üçün əl uzadan dostdur.

Tox olan acın halını anlamaz deyərlər, amma bəzən ac olan da acın halını anlamır.

Səmimilikdən -- çətin, yaltaqlıqdan asan heç nə ola bilməz.

Oxuyun və öyrənin. Ciddi kitablar oxuyun. Qalanını həyat edəcək.

Gülüş -- ruhun heç çaşmayan aynasıdır. Yalnız uşaqlar qüsursuz bir gülüşlə gülməyi bacararlar.

Gözəl bir qadın - gözə, yaxşı bir qadın ürəyə xoş görünər. Birincisi brilyant kimi, amma keçici, ikincisi xoşbəxtlik qədər həqiqidir.

Əslində insanı ən çox incidən şey məyusluqlar deyil. Yaşanması mümkün ikən, yaşaya bilmədiyi xoşbəxtliklərdir.

Əsl həqiqət həmişə inanılmazdır! Həqiqəti daha inandırıcı etmək üçün, ona yalan qatmaq vacibdir. İnsanlar həmişə belə edirdilər.

Əgər sən hədəfə doğru gedirsənsə və bu yolda sənə hər hürən itə daş atmaq üçün dayanacaqsansa, onda heç vaxt hədəfə çatmayacaqsan.

Cəhənnəm -- insan ürəyində sevginin bitdiyi yerdir.

Əgər sən hədəfə doğru gedirsənsə və bu yolda sənə hər hürən itə daş atmaq üçün dayanacaqsansa, onda heç vaxt hədəfə çatmayacaqsan.

Həyat bir imtahandır, lakin digər imtahanlara elə də bənzəməz. Çünki bəzən etdiyin bir səhv, bütün doğrularını apara bilər

Axmaq olduğunu etiraf etmiş axmaq, artıq axmaq deyil.

Nə qəribədir deyilmi? Sevdiyimiz insanın hər yalanında bir doğru, sevmədiyimiz insanın hər doğrusunda bir yalan axtarırıq.

Heç nəyə heyrətlənməmək ağıl yox, axmaqlıq əlamətidir.

Ağıllı hərəkət etmək üçün təkcə ağıl azdır.

Məhəbbət elə güclüdür ki, bizim özümüzü də yenidən yaradır.

Dünyanı gözəllik xilas edəcək.

Özünə də yalan satan insan bir müddətdən sonra doğru ilə yalanı seçə bilməyəcək.

Ürəyi olub da ağılı olmayan bir qadın, ağılı olub da ürəyi olmayan bir qadın qədər bədbəxtdir.

Uşaqları sevən həyatı da sevər.

Uşaq, dünyanın ən böyük səadətidir.

Tanımadığını sevmək mümkün deyil.